About Us

History

ఈ ట్రస్ట్ కు ప్రముఖ కవి శ్రీ రామరాజ భూషణు ని పేరు పెట్టడం జరిగింది. వీరు రచించిన వసు చరిత్రము ఆంధ్ర వాఙ్మయమున నొక యపూర్వ కవితా సృష్టి అని ప్రత్యేకించి చెప్పనక్కరలేదు.

ఈ ట్రస్ట్ మన భట్టరాజులలో -

[1] తెలివైనవారిని, చదువు పట్ల ఆసక్తి వుండి పేదరికం కారణంగా చదువుకోలేక పోతున్న విద్యార్థులకు సహాయపడుటకొరకు,
[2] మెరుగైన నైపుణ్యం కలిగి తగిన అవకాశాల కోసం ఎదురు చూస్తున్న మన యువతకు సరైన అవకాశాలు లభించేలా కృషి చేయుటకు ,
[3] ఇప్పటికే సమాజంలో పేరు ప్రఖ్యాతులు గడించిన మన కులస్థులను సత్కరించి , వారి అనుభవాలను అభివృద్ధి చెందుతున్న భట్టరాజీయులకు అందించుటకు వేదికగా నుండుటకు, [4] విద్యా, సామాజిక కార్యక్రమాల ద్వారా భట్టరాజ కులస్థుల సేవలను సమాజానికి అందించి సమాజసేవలో మరింత చురుకుగా పాల్గొనుట ముఖ్య వుద్దేశ్యముగా ఏర్పాటైనది.

గత 29 సంవత్సరాలుగా ట్రస్ట్ నిర్వహించుచున్న ఈ స్కాలర్షిప్పుల పంపిణీ కార్యక్రమానికి 16,10,000/- రూపాయలను మూలధనంగా అందించి ఎంతోమంది వదాన్యులు సహాయపడ్డారు. ఈ ట్రస్ట్ వారందరకూ కృతజ్ఞత తెలుపుకుంటున్నది. ఈ ధనమంతయూ బ్యాంకులలో ఫిక్సెడ్ డిపాజిట్ గా వుంచడమైనది.

ఈ ట్రస్ట్ మూలధనం లో నుండి వచ్చిన వడ్డీతో మాత్రమే క్రిష్ణా , గుంటూరు , ప్రకాశం జిల్లాల విద్యార్థులకు వుపయోగపడే విభిన్న కార్యక్రమాలు నిర్వహించాలని , రు. 25,000/- విరాళంగా ఇచ్చిన వారి పేరుతో దాని నుండి వచ్చిన వడ్డీతో ప్రతి సంవత్సరం ఒక విద్యార్థికి పారితోషికం ఇచ్చుటకు ట్రస్ట్ కార్యవర్గం తీర్మానించింది.దీనికి స్పందించి అనేకమంది దాతలు విరాళాలు అందించి తమ దాతృత్వాన్ని తెలియజేశారు.

ఈ మూలధనం నుండి రాబడిన వడ్డీ మరియు దాతలనుండి సేకరించిన ధనంతో విద్యార్థులకు పారితోషికం ముఖ్య అతిథులచే అందజేయబడుతున్నది. ఇప్పటివరకు ట్రస్ట్ పంపిణీ చేసిన పారితోషికం ఈ దిగువన వుదహరించుచున్నాము.

2013 సంవత్సరము నుండి క్రిష్ణా జిల్లాలోని 6 వ తరగతి నుండి 10 వ తరగతి వరకు చదువుతున్న విద్యార్ధులకు కూడా రూ. 1,000/- చొప్పున ఆర్ధిక సహాయము అందజేయడం జరుగుతున్నది. 2018 సంవత్సరము నుండి 10 వ తరగతి మరియు సీనియర్ ఇంటర్ పబ్లిక్ పరీక్షలలో 10 జి.పి.యె. వచ్చిన విద్యార్థులకు రు. 2,500/- ఇవ్వడం జరుగుతున్నది .